Բռնապետ Ալիևի բռնապետի դափնիները Փաշինյանին հանգիստ չեն տալիս
Mon, 06 Apr 2026 22:45:27 +0400
Իրավապաշտան Ժաննա Ալեքսանյանը անդրադարձել է Փաշինյանի հետ միջադեպի մասնակից Դավիթ Մինասյանի առողջական վիճակին․
«Բազմաթիվ հիվանդություններով տառապող 18 ամյա դպրոցական Դավիթ Մինասյանին շարունակում են պահել կալանքի տակ։ Խոշտանգման են ենթարկում ոչ միայն նրան, այլև ընտանիքին, մորը, որին թույլ չեն տալիս տեսակցել մանկուց իր խնամքի տակ գտնվող հիվանդ որդուն։ Խոշտանգում են նաև հասարակության այն հատվածին, որը դեռ չի կորցրել իր կարեկցանքն ու գթասրտությունը մարդու նկատմամբ։
Սա հրապարակային պատժիչ գործողություն է, որին մասնակցում են գլխավոր դատախազությունը, արդարադատության նախարարությունն ու դատական համակարգը։ Նիկոլ Փաշինյան ուզում է անխոս իրեն ճանաչեն արտոնյալ, բռնապետ Ալիևի բռնապետի դափնիները նրան հանգիստ չեն տալիս»: