Թքել-կպցրել են. տեսեք՝ ոնց է քանդվում
Tue, 07 Apr 2026 11:25:41 +0400
Սոցիալական հարթակներում բլոգեր Արթուր Չախոյանը հրապարակել է հերթական տեսանյութը՝ անդրադառնալով Երևանում շինարարական աշխատանքների որակին։ Նա կանխատեսում է, որ կարող են իրեն մեղադրել իրականացված աշխատանքները խաթարելու մեջ, սակայն ընդգծում է՝ նման իրավիճակ չէր առաջանա, եթե ամեն ինչ կատարված լիներ պատշաճ մակարդակով և համապատասխաներ քաղաքաշինական սահմանված նորմերին։
Չախոյանի խոսքով՝ խնդրի հիմնական պատճառը ոչ թե իր միջամտությունն է, այլ աշխատանքների անորակ իրականացումը։
«Ում է պետք սենց սարքած այգին, տեսեք՝ ոնց է քանդվում, իսկ քանդվում է , որովհետև թքել-կպցրել են, նորմալ աշխատանքի դեպքում սա ուղղակի իրավունք չուներ սենց քանդվելու, ձեռքոց կպնում ես ,քանդվում է»,- նշել է նա՝ անդրադառնալով Երևանում նոր վերանորոգված այգիներից մեկին: