Պակիստանը Թրամփին խնդրել է հետաձգել Իրանին չարաբաստիկ հարվածը․ լարված րոպեներ են
Wed, 08 Apr 2026 00:37:31 +0400
Ամերիկյան և արաբական պաշտոնական աղբյուրները Wall Street Journal-ին հայտնել են, որ ընթացող բանակցությունները վերաբերում են ԱՄՆ նախագահ Դոնալդ Թրամփի կողմից Իրանին Հորմուզի նեղուցը բացելու վերջնագրի երկարաձգմանը, այլ ոչ թե հրադադարի համաձայնագրի կնքմանը։
Մինչդեռ Թրամփը հայտարարել է, որ «շատ հարգված մարդիկ խնդրում են ինձ երկու շաբաթով հետաձգել Իրանի ոչնչացումը»։
Սակայն Axios-ը հաղորդում է, որ «Թրամփը դեռևս ցանկանում է հարձակվել Իրանի վրա»։
Պակիստանի արտաքին գործերի նախարարությունը պարզաբանել է, որ Իսլամաբադի հրադադարի առաջարկը վերաբերում է ամբողջ տարածաշրջանում, այդ թվում՝ Լիբանանում, ռազմական գործողությունների դադարեցմանը։
ԱՄՆ նախագահ Դոնալդ Թրամփը, մեկնաբանելով Պակիստանի վարչապետ Շահբազ Շարիֆի՝ Իրանին հարվածելու երկշաբաթյա երկարաձգման խնդրանքը, նշել է, որ «ես դեռ լիովին տեղեկացված չեմ։ Կարող եմ ասել հետևյալը. ես նրան (Շարիֆին) շատ լավ եմ ճանաչում։ Նա շատ հարգված անձնավորություն է», – հաղորդում է Fox News-ը։
Թրամփը հայտարարել է, որ Իրանի հետ բանակցությունները լարված են. «Ես չեմ կարող մեկնաբանել Պակիստանի առաջարկը. մենք հիմա բանակցությունների մեջ ենք»։
Մինչդեռ, իսրայելական լրատվամիջոցները հաղորդում են, որ Թրամփը մերժել է Պակիստանի վարչապետի երկշաբաթյա հրադադարի խնդրանքը։