Ես տարածաշրջանի կողմնակից եմ ու Եվրոպային դեմ եմ
Wed, 08 Apr 2026 13:46:10 +0400
«Երբ դու մեկ ուրիշ տնտեսական միավորման անդամ ես լինում, մաքսային միավորման անդամ ես լինում, էն մյուսի մեջ չես կարող լինել, ուղղակի չես կարող։ Այո, միաժամանակ երկու տեղ, այս պարագայում, չես կարող լինել»,- այս մասին քիչ առաջ լրագրողների հետ զրույցում հայտարարել է ԱԺ պատգամավոր Հովիկ Աղազարյանը՝ անդրադառնալով լրագրողների՝ Փաշինյան-Պուտին վերջին հանդիպման դիտարկումներին։
«Եթե իսկապես քո նպատակը Եվրոպա գնալն է, դու պիտի իսկապես քո տնտեսությունը բերես այն մակարդակի, որպեսզի իրոք պատրաստ լինես դրան։ Այսինքն՝ եթե այս պարագայում Վլադիմիր Պուտինն ասի՝ գազը կթանկացնենք, սա կանենք, նա կանենք, այդ ժամանակ դու իսկապես պատրաստ լինես դրան։ Բայց եթե դու պատրաստ չես դրան, այստեղ արդեն մի շարք հարցեր են առաջանում։ Մեր հասարակության մեջ մի տարօրինակ ընկալում կա, որ ով ասում է Եվրոպա, հերոս է, իսկ ով ասում է Ռուսաստան, ազգի դավաճան է։ Ե՞ս։ Ես տարածաշրջանի կողմնակից եմ ու Եվրոպային դեմ եմ»,- ասել է նա։