Ծանր զրույց՝ Ռյուտեի հետ․ Թրամփը սպառնում է դուրս գալ ՆԱՏՕ-ից
Thu, 09 Apr 2026 12:00:42 +0400
ՆԱՏՕ-ի գլխավոր քարտուղար Մարկ Ռյուտեի հետ հանդիպումից հետո ԱՄՆ նախագահ Դոնալդ Թրամփը անդրադարձել է դաշինքի ներսում առկա տարաձայնություններին, այդ թվում՝ Գրենլանդիայի պատկանելության շուրջ։
Նա նշել է, որ ՆԱՏՕ-ն չի ցուցաբերել իր պատրաստակամությունը՝ կրիտիկական պահերին աջակցելու ԱՄՆ-ին։
«ՆԱՏՕ-ն մեզ օգնության չհասավ, երբ մենք դրա կարիքն ունեինք, և չի հասնի մեզ օգնության, եթե մենք կրկին դրա կարիքն ունենանք», – ընդգծել է նա։
Թրամփը կրկին բարձրացրել է Գրենլանդիայի հարցը՝ այն անվանելով «մեծ, վատ կառավարվող սառցե կտոր» և հիշեցնելով կղզու կարևորությունը ռազմավարական շահերի համար։
Ավելի վաղ, Սպիտակ տան առաջնորդը բացահայտ դժգոհություն էր հայտնել, որ ՆԱՏՕ-ի դաշնակիցները և դաշինքն անձամբ չի աջակցել Վաշինգտոնին Իրանի դեմ ռազմական գործողություններում։ Հայտնի է, որ Հյուսիսատլանտյան դաշինքի եվրոպական մի շարք երկրներ, այդ թվում՝ Իսպանիան, Ֆրանսիան, Գերմանիան, Իտալիան, դեմ են եղել Իրանի դեմ պատերազմին, հընթացս արգելելով ամերիկյան ուժերին օգտագործել իրենց երկրների տարածքը՝ իսլամական հանրապետության դեմ հարձակումների համար։
Թրամփը սպառնացել է դուրս գալ Դաշինքից, ինչպես նաև ակնարկել, որ կարող է պատժել ՆԱՏՕ-ի անդամ որոշ երկրների։