Իսրայելը մտադիր չէ հրաժարվել Իրանի դեմ պատերազմից․ վտանգավոր խաղեր
Thu, 09 Apr 2026 13:00:43 +0400
Իսրայելի վարչապետ Բենիամին Նեթանյահուն, հնարավոր է, փորձում է խաթարել Իրանի հետ հրադադարը՝ հարվածելով Լիբանանում իրանամետ շիական «Հըզբոլլահ» շարժման թիրախներին, հաղորդում է Politico-ն՝ հղում անելով եվրոպացի պաշտոնյայի։
Աղբյուրի փոխանցմամբ՝ Իսրայելի ղեկավարության գործողությունները մտահոգություն են առաջացնում Եվրոպայում, քանի որ «Հըզբոլլահ»-ի թիրախների դեմ հարվածները կարող են բարդացնել փխրուն հրադադարը և հանգեցնել տարածաշրջանում իրավիճակի հետագա սրման։
Հոդվածում նշվում է, որ Նեթանյահուն, հնարավոր է, փորձում է կանխել հրադադարի պահպանումը՝ Թեհրանի դաշնակիցների վրա ճնշում գործադրելով։
Ավելի վաղ, Իսրայելի վարչապետը հայտարարել էր, որ Իրանի հետ կապված հրադադարը պարզապես դադար է, և որ իրենք դեռ որոշակի նպատակներ և թիրախներ ունեն իսլամական հանրապետությունում, որոնցից չեն հրաժարվել և ցանկացած պահի կարող են վերսկսել ռազմական գործողությունները։