Եկեղեցուն հուշարձաններ տրամադրելու համար դատում են
Fri, 10 Apr 2026 18:27:19 +0400
Հովիկ Աբրահամյանի մտերիմ ընկեր, Տրանսպորտի եւ կապի նախկին նախարար, Կադաստրի պետական կոմիտեի նախկին պետ նախագահ Մանուկ Վարդանյանը հայտնվել է իրավապահների թիրախում։
Մեր տեղեկություններով՝ նրան մեղադրում են 2000-ականներին Հայ առաքելական եկեղեցուն անհատույց կերպով պետական սեփականություն համարվող հուշարձաններ տրամադրելու մեջ, երբ եղել է կադաստրի նախագահ։
Քրեական վարույթով ոչ Վեհափառը եւ ոչ էլ այլ հոգեւորական կարգավիճակ չունեն, չեն էլ հարցաքննվել։
Նախկին բարձրաստիճան պաշտոնյայի նկատմամբ խափանման միջոց է ընտրվել գրավը՝ 1 միլիոն դրամ չափով, նրա պաշտպան Գագիկ Խաչիկյանը չի շտապում մանրամասներ հայտնել քրեական գործից, «Հրապարակ»-ին ասաց՝ մեղադրական եզրակացությունը ստացել են, 15-20 օրվա ընթացքում նիստ կլինի, կգնանք դատարանում, կտեսնենք, հենց առաջին նիստի ընթացքում մեզ համար շատ բաներ պարզ կլինեն։
Ընդհանուր առմամբ, խոսելով մեղադրանքի մասին՝ նշեց․ «Մեղադրանքը աբսուրդի ժանրից է, մեղադրանք էլ չկա, հնարավորի ինչ-որ բան է կպցրած, այսքանը կարող եմ ասել»։