Ոստիկանները բացահայտեցին
Fri, 10 Apr 2026 23:45:18 +0400
Շենգավիթի համայնքային ոստիկանները բացահայտեցին անվադողերի և անվահեցերի գողությունը
Փետրվարի 15-ին օպերատիվ կառավարման կենտրոն զանգահարած քաղաքացին հայտնել էր, որ Խարբերդի իր ամառանոցից գողություն է կատարվել։ Քրեական ոստիկանության Երևան քաղաքի վարչության օպերատիվ խումբը մեկնել ու պարզել էր, որ կոտրել էին Նոր Խարբերդում գտնվող տան դուռն ու պատուհանը, հափշտակել անվադողեր՝ անվահեցերով։ Տուժողին պատճառվել էր մոտ 1500 դոլարի վնաս։
Համայնքային ոստիկանության Շենգավիթի բաժնում ստացված օպերատիվ տվյալներն իրացնելով և ձեռնարկված օպերատիվ-հետախուզական միջոցառումների արդյունքում պարզվել է, որ գողացած անվահեցերը գտնվում են Արարատի մարզի Զորակ գյուղի մի բնակչի տանը, որի տերն, ըստ նախնական տվյալների, զբաղվում է անվահեցերի առևտրով։ Պարզվել է նաև, որ անհայտ անձինք մոտեցել են Զորակ գյուղի բնակչին և հափշտակված անվահեցերը փոխարինել այլ անվահեցերով։
Ոստիկանների հետագա միջոցառումների արդյունքում պարզվել է, որ անվահեցերը գողացել են Նոր Խարբերդի բնակիչ 33-ամյա և Սարի թաղի բնակիչ 21-ամյա երկու երիտասարդներ։
Մարտի 25-ի առավոտյան 33-ամյա տղամարդը հայտնաբերվել է Նոր Խարբերդում, ձերբակալվել և իր վարած ավտոմեքենայով հանդերձ տեղափոխվել Շենգավիթի բաժին։
Կազմված փաստաթղթերը ներկայացվել են քննչական բաժին։
Ձեռնարկվում են միջոցառումներ 21-ամյա սարիթաղցուն հայտնաբերելու ուղղությամբ։