Թուրքիայում բնակվող՝ պրոթուրքական և պրոադրբեջանական քարոզչությամբ զբաղվող նիկոլական Նատալի Ալեքսանյանը որոշել է անդրադառնալ Ամենայն Հայոց կաթողիկոս Գարեգին Բ-ի հորը` «մերկացնել» նրան։ Ինչ կարող է գրել վեհափառի հոր մասին թրքասեր Նատալին` որոշել է աշխարհի ամենածանր հանցանքներում մեղադրել կաթողիկոսի հորը, մեղադրել է պատերազմի ժամանակ փախչելու և կնոջը դաժանաբար կտտանքների ենթարկելու մեջ, սակայն այս պատմության մեջ ամենազավեշտալին այն է, որ Գարեգին Բ-ի հայր է անվանել և մեկի լուսանկարները տարածել, ով ոչ մի կապ չունի Վեհափառի հետ: Ադրբեջանական ու թուրքական լրատվամիջոցներն իրար հերթ չտալով մի քանի օր է՝ տարածում են Ալեքսանյանի այդ գրառումը։

Տարածված լուսանկարներում արցախցի Հմայակ Գաբրիելյանն է, որը ծնվել և մեծացել է Արցախում և որևէ կապ չունի Վեհափառի հետ։ Նրա որդին՝ Սամվել Գաբրիելյանը «Հրապարակի» հետ զրույցում անդրադառնալով թեմային, ասում է․ «Ուզում եմ հասկանալ՝ նախ Նատալի Ալեքսանյանն ինչ գործ ունի իմ հոր և նրա լուսանկարների հետ, ինչո՞ւ է դրանք տեղադրել այլ մարդու անվան տակ, ես ուզում եմ հասկանալ, թե իմ հոր լուսանկարները ինչպես են հայտնվել այդ կնոջ մոտ։ Գրել է, որ նկարում պատկերված տղամարդը աղջիկ է ձևացել, կնոջ շորեր է հագել և փախել է պատերազմներից, սակայն իմ հայրը արցախցի է, մինչև վերջին վայրկյանը եղել է Արցախում, նրա հայրը, հորեղբայրները պատերազմի մասնակից են։ Ես գրել եմ, որ նկարում լուսանկարված տղամարդը իմ հայրն է, հորդորում եմ Նատալի Ալեքսանյանին հետաքրքրվել, թե ով է եղել իմ հայրը։ Եթե նա չհեռացնի այդ լուսանկարները, ես ստիպված կլինեմ դիմել իրավապահներին»։