Դավիթ Մինասյանի նկատմամբ ընտրվել է բացակայելու արգելք. մանրամասներ
Tue, 14 Apr 2026 20:26:31 +0400
Մեկ ժամ առաջ հայտնի դարձավ, որ Սուրբ Աննա եկեղեցու դեպքով կալանավորված 18-ամյա Դավիթ Մինասյանը կալանքը դատախազը վերացրել է։ Մինչ այդ, հիշեցնենք, փաստաբաններն էին նման միջնորդություն ներկայացրել դատախազին, որը մերժվել էր։
«Հրապարակ»-ի հարցին ի պատասխան, թե ինչո՞ւ դատախազը նման որոշում կայացրեց, Գլխավոր դատախազությունից փոխանցում են.
«Դատախազը վարույթն իրականացնող մարմնից՝ Քննչական կոմիտեից, ստացել է քրեական վարույթը՝ մեղադրական եզրակացությունը հաստատելու և դատարան հանձնելու նպատակով: Հսկող դատախազի որոշմամբ դատարանի կողմից ընտրված կալանք խափանման միջոցն այսօր վերացվել է, կիրառվել է բացակայելու արգելք: Դատախազը քրեական վարույթի նյութերը՝ հաստատված մեղադրական եզրակացությամբ, այսօր հանձնել է իրավասու դատարան»։