Կվերսկսեն նավթի առաքումները 1 շաբաթից․ Սքոթ Բեսենթ
Thu, 16 Apr 2026 21:00:57 +0400
Միացյալ Նահանգների Ֆինանսների նախարար Սքոթ Բեսենթը հայտարարել է, որ Պարսից ծոցի արաբական երկրները պատրաստ կլինեն մեկ շաբաթվա ընթացքում վերսկսել նավթի առաքումները Հորմուզի նեղուցով։ «Վաշինգտոնում ներկայումս բանկային շաբաթն է։ Դրա համար ես հանդիպում եմ բազմաթիվ գործընկերների՝ Մերձավոր Արեւելքից։ Եւ բոլորն էլ ասում են, որ կկարողանան վերսկսել նավթի առաքումները մեկ շաբաթվա ընթացքում, հենց որ բացվի Հորմուզի նեղուցը»,- հայտարարել է նախարար Բեսենթը։ Նշենք, որ ներկայումս տեղի է ունենում Արժույթի միջազգային հիմնադրամի եւ Համաշխարհային բանկի ղեկավար մարմինների գարնանային հավաքը՝ Վաշինգտոնում։