Ինչ որոշում էլ կայացվի, մեր վարքագիծը չի փոխվելու
Fri, 17 Apr 2026 13:57:40 +0400
Հակակոռուպցիոն դատարանի մոտ լրագրողների հետ զրույցում գործարար Սամվել Կարապետյանի եղբայր Կարեն Կարապետյանը անդրադարձավ դատական գործընթացից ունեցած սպասելիքներին։
Պատասխանելով հարցին՝ թե ինչ ակնկալիքներ ունի դատարանից, նա նշեց, որ իրենց համար ընդունելի կլինի ցանկացած որոշում։ Նրա խոսքով՝ անկախ դատարանի կայացրած վճռից, դա չի անդրադառնա իրենց դիրքորոշման կամ վարքագծի վրա։
Կարեն Կարապետյանը շեշտեց, որ իրենց վերաբերմունքը գործընթացի նկատմամբ մնում է անփոփոխ՝ անկախ հետագա զարգացումներից։
«Ցանկացած ելք մեզ համար ընկալելի և ընդունելի կլինի․ դա մեր վարքագիծը երբեք չի փոխի»,- ասել է նա: