Հայաստանի Ազգային պոլիտեխնիկական համալսարանի Գյումրու մասնաճյուղում տեղի ունեցավ ամենամյա Էքսպոն՝ միավորելով նորարարությունն ու կրթությունը, տեսությունն ու կիրառական փորձը: Երկօրյա մասնագիտական կողմնորոշման միջոցառմանը այս տարի միացել էր նաև Ամիօ բանկը՝ ներկայացնելով իր երիտասարդական նախաձեռնություններն ու ծառայությունները:

Ամիօ բանկի յուրահատուկ երիտասարդական անկյունում մասնակիցները ծանոթացան բանկի առաջարկներին, շփվեցին բանկի ներկայացուցիչների հետ և տեղում ստացան նվեր քարտեր՝ հետագայում Student քարտ ձևակերպելու համար:

Միջոցառումը դարձավ հարթակ, որտեղ միավորվեցին ապագա մասնագետները, ուսանողները, ոլորտի մասնագետներն ու գործատուները: Իր ձևաչափով էքսպոն նաև բաց դռների օր էր՝ միավորելով տարբեր դպրոցների աշակերտների, ուսուցիչների և ոլորտային գործընկերների:

«Մշտապես համագործակցությունը կա, ուսանողները պրակտիկա են անցնում բանկում, և հետագայում, պրակտիկայի արդյունքների հիման վրա, նրանք, ովքեր ցուցաբերել են առաջադիմություն և սովորելու ցանկություն, շարունակում են համագործակցությունը Ամիօ բանկի հետ»,-նշել է Ամիօ բանկի «Գյումրի» մասնաճյուղի կառավարիչ Լիզա Գևորգյանը:

Էքսպոյի ամենահետաքրքիր հատվածներից մեկը ուսանողական նախագծերի ցուցադրությունն էր: Այստեղ ներկայացված էին վիրտուալ իրականության նյութեր, անօդաչու թռչող սարքեր, հատուկ մշակված զբոսաշրջային հավելված և բազմաթիվ այլ նորարարական աշխատանքներ:

Լինելով երիտասարդ և զարգացող բանկ՝ Ամիօ բանկը ակտիվորեն աջակցում է երիտասարդների կրթությանը: Դրա լավագույն օրինակներից է ՙԱմիօ էրա՚ ծրագիրը, որը երկու տարվա ընթացքում ունեցել է ավելի քան 2200 դիմորդ, որոնցից 75-ը ստացել են մեկ ուսումնական տարվա կրթավճարի ամբողջական ֆինանսավորում:

✉ info@amiobank.am | 010 59 20 20 | 🌐 amiobank.am
Բանկը վերահսկվում է ՀՀ ԿԲ կողմից