Քննարկել է հակամարտության դադարեցման հարցը
Fri, 17 Apr 2026 18:30:55 +0400
Իրանի «Խաթամ ալ-Անբիյա» զորքերի գլխավոր շտաբի ղեկավար Ալի Աբդոլահին հանդիպել է Պակիստանի ԶՈՒ գլխավոր հրամանատար Հասիմ Մունիրի հետ։ Երկու բարձրաստիճան զինվորականները քննարկել են Իրանական էսկալացիայի դադարեցման հարցը։ Այս մասին հայտնում է IRIB-ը։ Համաձայն հաղորդման, Աբդոլահին վստահություն է հայտնել, որ ամերիկա-իսրայելական տանդեմի ագրեսիան պայմանավորված է եղել հաշվարկներում թույլ տված սխալով, թե իրանցի ժողովուրդը չունի անհրաժեշտ դիմակայության կամքը, իրանական բանակն էլ չի կարողանա հակահարված տալ ու պատշաճ պաշտպանություն ապահովել։ Նա նաեւ ասել է, որ հարկ եղած դեպքում Իսլամական Հանրապետությունը պատրաստ է համակողմանի պաշտպանության։ Ավելի վաղ, Al Jazeera-ն հայտնել էր, որ Հասիմ Մունիրը ներկայումս իրականացնում է միջնորդական առաքելույուն՝ Իրանական էսկալացիայի ավարտի ուղղությամբ։