Տնտեսական սանկցիաների վերացումը պատերազմն ավարտելու պայմանն է․ Մուհամեդ Ղալիբաֆ
Thu, 23 Apr 2026 21:00:41 +0400
Իրանի խորհրդարանի խոսնակ Մոհամադ Բաղեր Ղալիբաֆը հայտարարել է, որ Միացյալ Նահանգների հետ գործարքի համար Թեհրանի դիրքորոշումը հետեւյալն է․ տնտեսական սանկցիաների ամբողջական վերացումը միայն կարող է պայման լինել պատերազմական գործողությունների լրիվ ավարտի համար։ Իրանցի բարձրաստիճան ներկայացուցիչը ասել է, որ ամբողջական հրադադարը իմաստ ունի միայն այն ժամանակ, երբ այն չի խախտվում ծովային բլոկադայով։
Նա շեշտել է, որ իրավիճակի կայունացման համար անհրաժեշտ է, որ Իսրայելն էլ դադարեցնի մարտական գործողությունները՝ բոլոր ուղղություններով։ Ղալիբաֆը շեշտել է, որ ռեգիոնալ ծովային ուղիներն ունեն ռազմավարական նշանակություն եւ Հորմուզի նեղուցը չի կարող բացվել, եթե հրադադարը ցայտուն կերպով խախտվում է։ Նա հավելել է, որ ճնշման կամ սպառնալիքի տակ հաջողության հասնել հնարավոր չէ։ Միակ ճանապարհը Իրանի ժողովրդի իրավունքների ընդունումն է՝ հավելել է Ղալիբաֆը։