Ապրիլի 24–ը խորհրդանշում է մեր ժողովրդի համառությունը. Արմեն Սարգսյան
Fri, 24 Apr 2026 10:31:07 +0400
Այսօր ոգեկոչում ենք Հայոց ցեղասպանության անմեղ զոհերի հիշատակը, սակայն ապրիլի 24-ը միայն ցավի և հիշողության օր չէ։ Այս մասին հայտարարել է ՀՀ չորրորդ նախագահ Արմեն Սարգսյանը։
Նա, մասնավորապես, նշել է. «Այն նաև խորհրդանշում է մեր ժողովրդի կենսասիրությունը, համառությունը, նպատակասլացությունը, չկոտրվելու վճռականությունը, վերապրելու և վերստին արարելու ուժը։
Չմոռանալով մեր պատմությունը՝ պետք է կարողանանք առաջ շարժվել՝ ապագայի հանդեպ լավատեսությամբ, հույսով ու հավատով։