Դրոշ վառելը ավելի շատ պարտության, նվաստացման և թուլության հետևանք է
Fri, 24 Apr 2026 13:14:01 +0400
ՀԱԿ-ի վարչապետի թեկնածու Լևոն Զուրաբյանը լրագրողների հետ զրույցում անդրադարձել է դրոշ վառելու երևույթին՝ նշելով, որ դա առավելապես խոսում է պարտության, նվաստացման և թուլության մասին։
Նրա խոսքով՝ սովորաբար դրոշներ են վառում այն դեպքում, երբ դիմացինը հաղթած է լինում։ Այդ համատեքստում Զուրաբյանը նշել է, որ ինքը կնախընտրեր տեսնել իրավիճակ, որտեղ Հայաստանը ուժեղ դիրքում է, և հենց հայկական դրոշն են վառում՝ որպես հաղթողի խորհրդանիշ։
Նա նաև ընդգծել է, որ նման իրավիճակներ նախկինում արդեն եղել են, երբ Հայաստանը եղել է առավել ուժեղ դիրքերում։
«Դրոշ վառելը ավելի շատ պարտության, նվաստացման և թուլության հետևանք է»,- նշել է նա: