Ադրբեջանի նախագահը չի ստորագրելու այդ փաստաթուղթը
Wed, 29 Apr 2026 13:25:46 +0400
«Միասնության թևեր» կուսակցության վարչապետի թեկնածու Արման Թաթոյանը հայտարարել է, որ իր գնահատմամբ Ադրբեջանը չի ստորագրի Հայաստանի հետ խաղաղության պայմանագիր։
Նրա խոսքով՝ Ադրբեջանի նախագահի համար նման որոշումը կարող է դիտվել որպես քաղաքական լուրջ կորուստ, քանի որ այն չի համապատասխանում նրա քաղաքական շահերին։
Թաթոյանը ուշադրություն է հրավիրել նաև պայմանագրի չորրորդ կետի վրա, որտեղ նշվում է, որ կողմերը պարտավորվում են չմիջամտել միմյանց ներքին գործերին։ Նրա գնահատմամբ՝ այս դրույթը հակասում է Ադրբեջանի նախագահի այն հայտարարություններին, որոնք վերաբերում են Հայաստանի Սահմանադրության փոփոխության հարցին։
Նա ընդգծել է, որ ներկայիս ձևակերպումներով այդ փաստաթուղթը իրականում չի կարող համարվել իրական խաղաղություն ապահովող համաձայնագիր։