ԱՄՆ-ն նոր հզոր հարված է պատրաստում Իրանի դեմ
Thu, 30 Apr 2026 02:30:19 +0400
Axios-ին տված հարցազրույցում ԱՄՆ նախագահ Դոնալդ Թրամփը հայտարարել է, որ Իրանի ռազմածովային շրջափակումը կմնա ուժի մեջ մինչև միջուկային համաձայնագրի կնքումը։
«Շրջափակումը որոշ չափով ավելի արդյունավետ է, քան ռմբակոծությունը… Նրանք խեղդվում են։ Նրանք չեն կարող միջուկային զենք ունենալ։ Նրանց համար միայն ավելի է վատ է լինելու։
Նրանք չեն ուզում, որ ես պահպանեմ շրջափակումը։ Ես չեմ ուզում վերացնել այն, քանի որ չեմ ուզում, որ նրանք միջուկային զենք ունենան», – ասել է Թրամփը։
Միևնույն ժամանակ, ԱՄՆ Կենտրոնական հրամանատարությունը (CENTCOM) պատրաստել է Իրանի դեմ «կարճ և հզոր» հարվածների ալիքի ծրագիր՝ բանակցություններում փակուղուց դուրս գալու համար, հաղորդում է Axios-ը։
«Հարվածներից հետո, որոնք, հավանաբար, կազդեն ենթակառուցվածքների վրա, ԱՄՆ-ն ճնշում կգործադրի ռեժիմի վրա՝ վերադառնալու բանակցությունների սեղանի շուրջ և ցուցաբերելու ավելի մեծ ճկունություն», – գրում է հրատարակությունը՝ հղում անելով երեք տեղեկացված աղբյուրների։