Ապրիլի 26-ին Նիկոլ Փաշինյանը Տավուշ այցի ընթացքում հիմնանորոգված Գանձաքար-Իծաքար ճանապարհին կառուցված Հախումի կամրջի վրա կանգնած՝ ԿԳՄՍ նախարար Ժաննա Անդրեասյանին հարցրեց, թե որ դարերի կառույց է Հախումի հին կամուրջը»: Նախարարը պատասխանեց՝ 17-18-րդ դարերի, մոտ 2 դարով «հնեցնելով» ամրոցը։ Նիկոլ Փաշինյանը որոշել է վերանորոգել Հախումի հին կամուրջը, որպեսզի այն դառնա զբոսաշրջային վայր։ Սակայն Փաշինյանը չգիտի, թե ե՞րբ, ո՞ւմ կողմից է կառուցվել «Քարակարմունջը»:

Իջևանի Գանձաքար գյուղից սերված Արտակ Իսկանդարյանը Ֆեյսբուքում ներկայացրել է իր հորական պապի կառուցած այդ կամրջի պատմությունը․ «Ուրեմն՝ կամուրջը կառուցել է Իջևանի Գանձաքար (Աղդան) գյուղից հայտնի կամրջաշինարար՝ Սամվել Կարապետյանի մայրական կողմի պապը՝ Իսկանդարյան Մարտիրոսը, 20-րդ դարի սկզբին՝ Առաջին Հանրապետության կառավարության ֆինանսավորմամբ։ Մարտիրոսին գյուղում բոլորը գիտեին՝ Չատնանց Միդո, կամ էլ՝ ընկեր Միդո։ Նավուրի կամուրջը նրա միակ կառուցած կամուրջը չի։ Իջևանի Գանձաքար գյուղի հին կամուրջը՝ Աղդան գետի վրա, նույնպես նրա կառուցածն է, որը մինչև հիմա կանգուն է։ Նա հայտնի շինարար լինելով՝ հիմնականում կամուրջներ է կառուցել, բայց եղել է մի բացառություն․ ունի կառուցած մեկ տուն՝ ինչ-որ մեկի համար։ Տան տանիքը դրած չի մինչև հիմա, բայց պատկերացրեք՝ 120 տարի է անցել, շենքը մնացել է առանց տանիքի, ու դրա վրայից ոչ մի քար չի ընկել։ Նույնը տեսնում եք նաև Նավուրի կամրջի վրա․ չնայած տասնամյակների խնամքի բացակայությանը,
ոչ մի քար չի ընկել կամրջից»։ Արտակ Իսկանդարյանը հավելել է. «Բայց վայթե նրանք չկարողանան ավարտին հասցնել այդ աշխատանքները։ Սամվել Կարապետյանի գլխավորած «Ուժեղ Հայաստանը» ստանձնելով երկրի ղեկը՝ ոչ միայն այդ կամուրջը, այլ ամբողջ Հայաստանին է տալու զարգացման նոր տեմպ»։