Մակրոնը Երևանում մեկնաբանել է Թրամփի՝ զորքերը դուրս բերելու որոշումը
Mon, 04 May 2026 12:53:36 +0400
ԱՄՆ նախագահ Դոնալդ Թրամփի որոշումներն ու զորքերի դուրսբերումն ուղերձ են եվրոպական համայնքի համար։
Այս մասին Եվրոպական քաղաքական համայնքի 8-րդ գագաթնաժողովից առաջ լրագրողների հետ ճեպազրույցում հայտարարել է Ֆրանսիայի նախագահ Էմանուել Մակրոնը։
«Մենք ամրապնդում ենք մեր անվտանգությունն ու պաշտպանությունը։ Թրամփի որոշումներն ու զորքերի դուրսբերումն ուղերձ են մեզ համար։ Մենք պետք է սեփական պաշտպանական լուծումներ գտնենք»,- նշել է Մակրոնը։
Ավելի վաղ Պենտագոնը հայտնել էր, որ ԱՄՆ-ն առաջիկա 6-12 ամիսների ընթացքում Գերմանիայից դուրս կբերի 5 հազար ամերիկացի զինծառայողի: Ավելի ուշ ԱՄն նախագահ Թրամփը հայտարարեց, որ Գերմանիայում ամերիկյան զորակազմը կկրճատվի ավելի քան 5 հազարով։