Իրանը զգուշացնում է ԱՄՆ-ին
Mon, 04 May 2026 13:30:03 +0400
Թեհրանը ԱՄՆ-ին զգուշացնում է զերծ մնալ Հորմուզի նեղուցին մոտենալուց: Այս մասին հայտարարել է Իրանի զինված ուժերի «Խաթամ ալ-Անբիա» կենտրոնական շտաբի հրամանատար Ալի Աբդոլահին:
«Զգուշացնում ենք, որ ցանկացած օտարերկրյա զինված ուժեր, հատկապես ԱՄՆ-ն, որոնք նպատակ ունեն մոտենալ և մտնել Հորմուզ, կենթարկվեն հարձակման զինված ուժերի կողմից»,-Աբդոլահիի խոսքերը մեջբերում է «Fars» գործակալությունը:
Նա նշել է, որ իրանցի զինվորականները վերահսկում են Հորմուզի նեղուցը, որով լցանավերի և առևտրային նավերի անցումը կարող է իրականացվել Իրանի զինված ուժերի հետ համաձայնեցմամբ:
Հիշեցնենք` ԱՄՆ նախագահ Դոնալդ Թրամփը երեկ ազդարարել է «Ազատություն» գործողության մասին՝ Հորմուզի նեղուցում արգելափակված նավերը դուրս բերելու համար: