Փաշինյանը նվագել է եւրոպացի հյուրերի համար
Mon, 04 May 2026 20:45:55 +0400
«Հրապարակ»-ի տեղեկություններով մայիսի 4-ին երեկոյան «Դվին» հյուրանոցում Եվրոպական քաղաքական համայնքի 8-րդ գագաթնաժողովին մասնակցելու համար Հայաստան ժամանած հյուրերի համար ընթրիք է կազմակերպվել, որի ժամանակ ելույթ է ունեցել նաև Նիկոլ Փաշինյանը իր «Վարչաբենդ» խմբի հետ։
Մեր տեղեկությունը հաստատեց «Վարչաբենդ» խմբի հետ ելույթ ունեցող Հայկ Ստվերը։
«Երկու երգերը, որոնք կատարում է խումբը, այդ ընթրիքի ժամանակ կատարել ենք։ Նիկոլ Փաշինյանը ևս մեզ հետ բեմ է բարձրացել ու նվագել է։ Երգել են նաև այլ խմբեր ու երգիչներ, որոնց մեծ մասն ինձ համար անծանթ էին, միայն Սարո Թովմասյանին էի ճանաչում»,-ասաց նա, հավելելով, որ բոլոր երկրների պատվիրակությունները մասնակցել են ընթրիքին, բացի Ֆրանսիայի նախագահ Էմանուել Մակրոնից: Ընթրիքը տեղի է ունեցել երեկոյան ժամը 20։00-ից հետո։
Նշենք, որ Եվրոպական քաղաքական համայնքի 8-րդ գագաթնաժողովին մասնակցելու համար Հայաստան են ժամանել բազմաթիվ եւրոպական երկրների առաջնորդներ: Երկօրյա գագաթաժողովն ընթանում է Մարզահամերգային համալիրում: