Վարչապետ Նիկոլ Փաշինյանը հայտարարել է, որ դեռևս հստակ չէ՝ արդյոք Եվրոպական Միությունը պատրաստ կլինի ընդունել Հայաստանին իր կազմի մեջ։

Այս մասին նա խոսել է համատեղ ասուլիսի ընթացքում՝ Անտոնիու Կոշտաի և Ուրսուլա ֆոն դեր Լայենի հետ։ Փաշինյանի խոսքով՝ հնարավոր են երկու սցենարներ՝ կամ Հայաստանը կընդունվի Եվրամիություն, կամ էլ կառույցը կարող է որոշել ընդհանրապես դադարեցնել ընդլայնման գործընթացը։

Վարչապետը նշել է, որ Հայաստանի անդամակցությունը ԵՄ-ին իր համար կլինի դրական և ցանկալի զարգացում։ Միաժամանակ նա ընդգծել է, որ նույնիսկ անդամակցություն չլինելու դեպքում երկիրը կարող է շահել՝ շարժվելով եվրոպական չափանիշներին համապատասխանելու ուղղությամբ։