ԵՊՀ-ն որոշել է ուսուցիչներ վերապատրաստել
Tue, 05 May 2026 21:15:44 +0400
ԵՊՀ-ից տեղեկացանք, որ մայր բուհում «ERASMUS+»-ի «PROVE» նախագծի շրջանակում անցկացնում է ուսուցիչների վերապատրաստում՝ արժեքների և գիտելիքների վրա հիմնված կրթության (VaKE) մոտեցմամբ։
Վերապատրաստման շրջանակում ուսուցիչներին ներկայացվելու է երկընտրանքների (դիլեմաների) քննարկման նոր մոտեցում, որտեղ բացի գիտելիքներից ու հմտություններից՝ կարևորվում է նաև արժեքային բաղադրիչը։ Վերապատրաստմանը մասնակցելու հնարավորություն ունեն հասարակագիտական առարկաներ և լեզուներ դասավանդող ուսուցիչները։ Վերապատրաստումն անցկացվելու է ԵՊՀ Սարգիս և Մարի Իզմիրլյանների անվան գրադարանի մասնաշենքի PRINTeL լսարանում (603) մայիսի 6-ին, 7-ին և 8-ին՝ ժամը 15։00-18։00-ն։ Վերապատրաստման ավարտին ուսուցիչները կստանան մասնակցության հավաստագիր (եթե մասնակցել են եռօրյա դասընթացին)։ Ծախսերը հոգում է Եվրամիության կողմից ֆինանսավորվող «ERASMUS+»-ի «PROVE» նախագիծը։ Տրասնպորտային ծախսերի փոխհատուցում նախատեսված չէ։
Եռօրյա վերապատրաստմանը կարող է մասնակցել մինչև 25 ուսուցիչ (տեղերը լրանալուն պես գրանցումը կփակվի)։
Հ.Գ Արդեն պարզ է, թե Նիկոլ Փաշինյանի ղեկավարած Հայաստանում և Հովհաննես Հովհաննիսյանի ղեկավարած Մայր բուհում ուսուցիչների հետ ինչ արժեքներից պետք է խոսեն և ինչ են քարոզելու նրանց: