1 դրամ աշխատավարձ եմ ստանալու, որը տալու եմ Վարչաբենդին
Thu, 07 May 2026 13:41:15 +0400
«Մեր գլխավոր նպատակը, առաջին հերթին, հայ ժողովրդին կայուն խաղաղություն ու անվտանգություն տալն է։ Գլխավոր նպատակներից մեկն է նաև հայ ժողովրդին բարեկեցիկ կյանք ապահովելը»,- այս մասին քիչ առաջ հրավիրած մամուլի ասուլիսի ժամանակ հայտարարել է «Ուժեղ Հայաստան» կուսակցության առաջնորդ Սամվել Կարապետյանը։
«Ես արդեն հայտարարել եմ, որ վարչապետ դառնալուց հետո անմիջապես հրաժարվելու եմ աշխատավարձից։ Ես 1 դրամ եմ ստանալու։ Իսկ այդ մեկ դրամը ես տալու եմ վարչաբենդին։ Դա անելու եմ, որ ինքը հնարավորություն ունենա զարգացնելու իր այդ խումբը, որովհետև ինձ չի թվում, որ ինքը հնարավորություն է ունենալու այլ աշխատանք գտնելու։ Բայց ես առաջարկելու եմ, որ ինքը օգտվի մեր «0 հարկ՝ փոքր բիզնեսի համար» ծրագրից, որովհետև ես վստահ եմ, որ ինքը չի կարողանալու լուրջ հոնորարներ ստանա իր վարչաբենդով»,- ասել է Կարապետյանը։