Փոքրիկ խմբակին՝ փոքրիկ առաջնորդ

Փոքրիկ խմբակին՝ փոքրիկ առաջնորդ

Sat, 09 May 2026 18:15:10 +0400


Կառավարության նիստին հաջորդած բրիֆինգում Փաշինյանն «անկեղծացել էր», թե «այնպես են անելու, որ երեք կուսակցություններն անգամ խորհրդարան չմտնեն»: Հասկանալի է, չէ՞, թե խոսքը որ 3 քաղաքական ուժի մասին է: Ահա: Վարչապետի այս հայտարարությունն ինձ ստիպեց, որ ես էլ իմ ֆեյսբուքյան էջում անկեղծանամ և հեռավար պխատասխանեմ նրան. «Քո էշը վաղուց գնացել է»: Ի՞նչ է սա նշանակում: Սա նշանակում է, որ Նիկոլի լավագույն ժամանակները մնացել են հետևում, և Նիկոլն ինքը պետք է շատ չարչարվի, որ իր քնձռոտ կուսակցությամբ մտնի խորհրդարան: Ասում եմ կուսակցությամբ, որովհետև քվեաթերթիկի վրա իր անունը գրված չէ, և քաղաքացին, եթե ձայն էլ տա, ձայն է տալու կուսակցությանը՝ ՔՊ-ին: Բայց ուր է այնտեղ կուսակցությո՞ւն, որ մի հատ էլ ձայն տան:

Այս ութ տարում Նիկոլն ու ՔՊ-ն ամեն ինչ արել են, որ խորհրդարան չանցնեն: Մի անգամ՝ 2021-ին, դա նրանց հաջողվեց, բայց դա չի նշանակում, թե նրանց ժողովուրդն ընտրեց: ՀՀ ԶՈւ գլխավոր շտաբի 2021 թվականի փետրվարի 25-ի հայտարարությունից հետո Նիկոլն ու ՔՊ-ն այլևս իշխանություն չունեին Հայաստանում: Լևոն Տեր-Պետրոսյանը խառնվեց, Արմեն Սարգսյանը, Էրդողանը… Հեղաշրջման վատ հետևանքներով այնպես վախեցրին Օնիկ Գասպարյանին, որ նա իր ձեռքով տապալեց Նիկոլին, շատ ներողություն, ս. անելու այդ փայլուն գործողությունը: Համատեղ ուժերով բերին, գործը հասցրին ընտրությունների և թռան՝ քաջ գիտակցելով, որ Նիկոլի ձևավորած Սահմանադրական դատարանը չի ընդունելու ընդդիմության և ոչ մի բողոք-փաստարկ՝ ընտրախախտումների վերաբերյալ: Հանրահայտ թվանկարիչ Մուկուչյանը, փառք Աստծու, դեռ ողջ է և կարող է առնվազն իր մասով հաստատել ասածներս ու պատմել, թե ինչ ճնշումների տակ է եղել 2021թ. հունիսի 20-ի ընտրությունների թվերը նկարելիս:

Կարծիք կա, որ 21 թվին Նիկոլը վերարտադրվեց սուտ խոստումներով: Այդ կարծիքը ես չեմ կիսում: Նիկոլի ինչ լինելը հայտնի էր դեռ 2020թ. նոյեմբերի 9-ից: Այդ օրերից Նիկոլը խոստանում ու խոստանում էր 6 ամսում վերականգնել կորցրածը, մինչդեռ 2021թ. հունիսի սկզբին թշնամին արդեն իսկ ոտք էր դրել Հայաստանի Հանրապետության տարածք: Ժողովուրդը չգիտե՞ր, որ ստախոսի ու մանիպուլյացիաների մեծ վարպետի հետ գործ ունի: Գիտեր: Ու ինչպե՞ս եղավ, որ այդ ժողովուրդը գնաց ու քվե տվեց ստախոսին… Դեբի՞լ էր:

Պատահակա՞ն է, արդյոք, որ այդ ընտրություններից հետո ՔՊ-ականներն առիթ-անառիթ հիշում էին ժողովրդին ու ասում՝ մեզ ժողովուրդն է ընտրել: Ոչ, իհարկե: «Մեզ ժողովուրդն է ընտրել» արտահայտությամբ ՔՊ-ն ու նրա առաջնորդը մի հարց են լուծել՝ իրենց բոլոր անհաջողություններն ու այլանդակությունները բարդել են ժողովրդի գլխին: Ժողովուրդն էր մեղավոր, որ դեպի Վրաստանի սահման գնացող մայրուղու վրա սրճարան ու խանութ չի բացել, կադաստրի թուղթ չունենալու պատճառով իր գյուղերն ու քաղաքները չի պահել… Շուռնուխն ո՞վ տվեց… ժողովուրդը, Գորիս-Կապան ճանապարհն ո՞վ տվեց… Ժողովուրդը, Սև լճի համար ո՞վ պետք է կռվեր… Ժողովուրդը, դիրքն ո՞վ չի պահել… ժողովրդի զավակ զինվորը, որ նույնիսկ չի կրակել, ինչո՞ւ պարտվեցինք պատերազմում… 14 հազար դասալիք ունեինք: Աչքս կոխեք մի անհաջողություն, մի պարտություն, մի այլանդակություն, որի համար ՔՊ-ն ու Փաշինյանը պատասխանատվություն են ստանձնել: Չկա այդպիսի բան: Իրենց «ժողովուրդն է ընտրել», իրենք էլ ամեն ինչ անում են «ժողովրդի խնդրանքով», հասկանում ես:

Կրկնեմ ֆեյսբուքյան գրառումս. «Քո էշը արդեն գնացել է»,- պարոն, այսպես կոչված, վարչապետ: Ուշացել ես: Այսօր նույնիսկ 2021 թվականը չէ: Քեզ ոչ մի Ալիև և Էրդողան, ոչ մի Մակրոն ու Կալլաս չեն փրկի խայտառակությունից: Քո սուտ զորությանն այլևս ոչ ոք չի հավատում, այդ թվում և այն խոսքերիդ, թե կարող ես ընդդիմությանը խանգարել խորհրդարան մտնել: Այդ քեզ մերժելու որոշումը կայացնելու է ժողովուրդը, և դու գլխիկոր ընդունելու ես այդ որոշումը:

Արա, ՔՊ, դուք ավելի լավ է մտածեք այն մասին, թե ինչ եք անելու վարչապետի աթոռը կորցնելուց հետո: Ալեն Սիմոնյան, դու էիր հետաքրքրվել, կարծեմ, թե գալո՞ւ է, արդյոք, խորհրդարան Ռոբերտ Քոչարյանը, եթե «Հայաստան» դաշինքը մեծամասնություն չունենա խորհրդարանում: Տափակ հարց է, իհարկե, բայց հիմա ես եմ քեզ հարցնում, Ալեն՝ Նիկոլն ու ՔՊ-ն գալո՞ւ են խորհրդարան, եթե մեծամասնություն չկազմեն և կորցնեն վարչապետի պաշտոնը: Մի շտապիր պատասխանել, որովհետև վարչապետի աթոռի հետ կորցնելու եք նաև բոլոր աթոռները՝ սկսած դատախազի աթոռից: Մինչդեռ դատախազն այն մարդն է, որ սովորություն ունի ընդդիմադիր պատգամավորների հետևից խորհրդարան գալու: Ալեն, դուք պատրա՞ստ եք ընդդիմություն լինել: Եթե ոչ, հարց չկա, իսկ եթե այո, ապա շեֆիդ ասա, թող քարոզարշավի մեկնարկին հակասահմանադրական հիմարություններ դուրս չտա…

© 2026 Secure News Portal

Source: Hraparak

Hraparak.am

Recent Posts

Եթերից մի հատված դուրս է մնացել. Բորիս Մուրազին` Հ1-ի եթերում ծեծկռտուքի մասին

Եթերից մի հատված դուրս է մնացել. Բորիս Մուրազին` Հ1-ի եթերում ծեծկռտուքի մասին Mon, 16 Nov…

16 րոպե ago

Ո՞նց եք պատկերացնում, որ այս իշխանության արդարադատության նախարարը ասեր՝ մենք մեղավոր ենք

Ո՞նց եք պատկերացնում, որ այս իշխանության արդարադատության նախարարը ասեր՝ մենք մեղավոր ենք Mon, 16 Nov…

19 րոպե ago

Կմնա՞ Մելիքյանը, թե՞ ոչ

Կմնա՞ Մելիքյանը, թե՞ ոչ Mon, 16 Nov 2026 14:15:31 +0400 Հայաստանի ֆուտբոլի ազգային հավաքականն ավարտեց…

29 րոպե ago

Պատկերացրեք՝ ինչքան է վիճակը վատ, որ Գեղամ Մանուկյանն ինձ է ցիտում

Պատկերացրեք՝ ինչքան է վիճակը վատ, որ Գեղամ Մանուկյանն ինձ է ցիտում Mon, 16 Nov 2026…

43 րոպե ago

Ես իմ մեղքը չեմ ընդունել․ Մասիս Մելքոնյան

Ես իմ մեղքը չեմ ընդունել․ Մասիս Մելքոնյան Mon, 16 Nov 2026 13:55:59 +0400 «Նախաքննական մարմինն…

48 րոպե ago

Հեռուստաընկերությունը պարտավոր է զերծ մնալ բռնության օրինականացումից եթերում. ՀՌՀ

Հեռուստաընկերությունը պարտավոր է զերծ մնալ բռնության օրինականացումից եթերում. ՀՌՀ Mon, 16 Nov 2026 13:51:14 +0400…

53 րոպե ago