Իրանը «խաղեր էր խաղում» ԱՄՆ-ի և մնացած աշխարհի հետ Իսլամական հեղափոխությունից ի վեր՝ ձգձգելով կարևոր հարցերի վերաբերյալ բանաձևերը, բայց դա այլևս այդպես չէ, հայտարարել է ԱՄՆ նախագահ Դոնալդ Թրամփը իր սոցիալական ցանցի՝ Truth Social-ի էջում։

«47 տարի շարունակ իրանցիները մեզ քթից բռնել են, սպասեցնելով, մեր ժողովրդին սպանելով ճանապարհեզրային ռումբերով, ճնշելով բողոքի ցույցերը և վերջերս սպանելով 42,000 անմեղ, անզեն ցուցարարների՝ այդ ամենը միաժամանակ ծիծաղելով մեր այժմ արդեն ԿՐԿԻՆ ՄԵԾ երկրի վրա։ Հիմա նրանք այլևս չեն ծիծաղի», – գրել է նա։

Ըստ Թրամփի, Իրանը «հարվածել է ջեքփոթին», երբ Բարաք Օբաման ընտրվեց ԱՄՆ նախագահ՝ շնորհիվ իր գործողությունների, որոնց արդյունքում Թեհրանի հետ կնքվեց պատժամիջոցների մեղմացման համաձայնագիր. «Նա (Օբաման) ոչ միայն բարի էր նրանց նկատմամբ, այլև հիանալի էր. նա, ըստ էության, անցավ նրանց կողմը՝ լքելով Իսրայելը և նրանց մյուս բոլոր դաշնակիցներին և Իրանին տալով կյանքի նոր, հզոր սկիզբ»։

«Որպես «առաջնորդ», նա (Օբաման) աղետ էր, բայց նույնիսկ նա այնքան վատը չէ, որքան քնկոտ Ջո Բայդենը», – պնդում է Թրամփը։