Հայտնաբերվել է ավելի քան 1000 տարեկան թուր
Tue, 12 May 2026 03:00:41 +0400
Նորվեգիայում վեցամյա տղան հայտնաբերել է վիկինգների ժամանակների թուր՝ դպրոցական էքսկուրսիայի ժամանակ։ Այս մասին հայտնում է Ancient Origins-ը։ Համաձայն հոդվածի, դպրոցականները Բրանդբու գյուղում դուրս են եկել իրենց ուսուցիչների հետ էքսկուրսիայի՝ դաշտ։ Երեխան նկատել է հողի մեջ խրված ինչ որ առարկա, որի վերնամասն է միայն երեւացել։ Նա հանել է այդ առարկան ու պարզվել է, որ եզակի մեկսայրի թուր է։
Մասնագետները կարծում են, որ թուրը պատկանում է վիկինգների ժամանակներին եւ 1,3 հազար տարեկան է։ Դպրոցի ղեկավարությունը կապ է հաստատել հնագետների հետ եւ փոխանցել նրանց գտնված արտեֆակտը։ Այն կցուցադրվի Օսլոյի թանգարաններից մեկում։