Իսրայելցի զինվորների հերթական հակաքրիստոնեկան վանդալիզմը․ ի՞նչ են պղծել այս անգամ
Tue, 12 May 2026 17:30:58 +0400
Երկու իսրայելցի զինվորներ բանտարկվել են Լիբանանում Կույս Մարիամի արձանը պղծելու համար. մեկը ծխախոտ է դրել նրա բերանը, իսկ մյուսը՝ լուսանկարել, հաղորդում է Associated Press-ը։
Լուսանկարի համար կեցվածք ընդունած զինվորը 21 օր կանցկացնի ռազմական բանտում, իսկ լուսանկարը կատարածը՝ 14 օր։
Իսրայելի պաշտպանության բանակի մամուլի խոսնակ Արիելլա Մազորը շեշտել է, որ զինվորականները շատ լուրջ են վերաբերվում այս միջադեպին։ Իսրայելի պաշտպանության բանակը հարգում է կրոնի և կրոնական ծեսերի ազատությունը, ինչպես նաև բոլոր կրոնների և համայնքների կրոնական խորհրդանիշները, գրել է նա X սոցիալական ցանցում։
Ավելի վաղ, երկու այլ իսրայելցի զինվորներին պատժել էին Լիբանանում Հիսուս Քրիստոսի արձանը պղծելու համար։