Ո՞ւր է 15 միլիարդը, ձեր ցավը տանեմ
Thu, 14 May 2026 11:35:16 +0400
Տավուշում անցկացված նախընտրական հանդիպումների ընթացքում ԲՀԿ առաջնորդ Գագիկ Ծառուկյանը անդրադարձել է Հայաստանի արտաքին պարտքի աճին և դրա օգտագործման արդյունավետությանը։
Նրա խոսքով՝ վերջին տարիներին իրականացվել են հիմնականում ասֆալտապատման աշխատանքներ, մինչդեռ նույն միջոցներով հնարավոր էր կյանքի կոչել խոշոր ծրագրեր, որոնք կստեղծեին բազմաթիվ աշխատատեղեր և կնպաստեին երկրի զարգացմանը։
Ծառուկյանը հարցադրում է արել վարչապետ Նիկոլ Փաշինյանին և իշխանական թիմին՝ հետաքրքրվելով, թե ինչ նպատակներով են ծախսվել միլիարդավոր դոլարների վարկային միջոցները։ Նա նշել է, որ պետական պարտքը նախկին ցուցանիշներից հասել է շուրջ 15 միլիարդ դոլարի՝ ընդգծելով, որ յուրաքանչյուր տարի նոր պարտքեր են ներգրավվել, սակայն, իր գնահատմամբ, դրանց արդյունքները տեսանելի չեն։
Ելույթի ընթացքում Ծառուկյանը նաև նշել է, որ չի պատրաստվում իջնել իշխանության ներկայացուցիչների խոսույթի մակարդակին։
«Ո՞ւր է 15 միլիարդը, ձեր ցավը տանեմ, ՔՊ-ականներ ջան»,- ասել է նա: