Deutsche Welle-ի խմբագրի նկատմամբ հետախուզում է հայտարարվել
Thu, 14 May 2026 19:00:14 +0400
DW-ի խմբագիր Ուլյանա Բոբոեդի նկատմամբ Ռուսաստանում հետախուզում է հայտարարվել։ Սա, ըստ DW-ի մեկնաբանության, փորձ է քրեականացնել լրագրողական գործունեությունը։
Նշենք, որ Բոբոեդը հանդիսանում էր DW-ի խմբագիրը Բելառուսում եւ այն, որ Ռուսաստանում են նրա նկատմամբ հայտարարել հետախուզում, մեդիա-ընկերության համար խիստ մտահոգիչ է, քանի որ կարող է սպառնալիքներ ստեղծել Բոբոեդի անձնական անվտանգության հանդեպ։ DW-ի հայտարարության մեջ նաեւ ասվում է, որ այդ փաստը ցույց է տալիս, թե որքան սերտ են համագործակցում բռնապետությունները, որպեսզի վախեցնեն անկախ լրագրողներին։ DW-ի կենտրոնակայանի ղեկավար Բարբարա Մասինգը իր համերաշխությունն ու զորակցությունն է հայտնել Բոբոեդին։