Թրամփը Կուբայում ռազմական ուժ կկիրառի՞
Tue, 19 May 2026 19:30:04 +0400
ԱՄՆ նախագահ Դոնալդ Թրամփի վարչակազմը ավելի ու ավելի է հակվում նրան, որ Կուբայում պետք է կիրառի ռազմական ուժ։ Այս մասին հայտնում է Politico-ն։ Համաձայն հաղորդման, ԱՄՆ ղեկավարը եւ նրա թիմի ներկայացուցիչները սկսում են հիասթափվել այն բանից, որ Վաշինգտոնի կողմից Կուբայի վրա գործադրած ճնշումները, ներառյալ՝ վառելիքից կղզուն զրկելը չի բերել նրան, որ կուբայական ղեկավարությունը սկսի իրականացնել քաղաքական եւ տնտեսական բարեփոխումներ։
Սրանով պայմանավորված՝ Սպիտակ տանը ավելի ու ավելի են հակված նրան, որ պետք է ռազմական ուժ կիրառել։ Սպիտակ տանը նախապես համոզված են եղել, որ սանկցիոն ճնշումները, Իրանի եւ Վենեսուելայի դեմ գործողությունները կօգնեն, որպեսզի Կուբայում համապատասխան հետեւություններ անեն ու գնան զիջումների։
Պարբերականը գրում է, որ դիտարկվում է նաեւ Կուբայի հեղափոխության առաջնորդներից՝ Ֆիդել Կաստրոյի եղբորը՝ Ռաուլ Կաստրոյին առեւանգելու տարբերակը։ Ամերիկյան ԶՈՒ Հարավային հրամանատարությունը աշխատում է Կուբայում հնարավոր ռազմական միջամտության պարագայում՝ առաջնահին հարվածի ենթակա թիրախների ցանկի կազմման ուղղությամբ։ Ռազմական միջամտությունը, ըստ ամերիկյան կողմի մոտեցման, պետք է Հավանային ստիպի՝ գնալ զիջումների։