Արցախցին դիմել է Փաշինյանին
Wed, 20 May 2026 11:50:02 +0400
Արցախցի հասարակական գործիչ Տիգրան Պետրոսյանը անդրադարձել է Արթուր Օսիպյանի և վարչապետ Նիկոլ Փաշինյանի միջև տեղի ունեցած միջադեպին՝ նշելով, որ Օսիպյանի գործողություններում որևէ սադրանք չի եղել։
Պետրոսյանի խոսքով՝ Արթուր Օսիպյանը պարզապես մոտեցել է և հայտնել իր անհամաձայնությունը վարչապետի հնչեցրած հայտարարությունների վերաբերյալ՝ ներկայացնելով իր տեսակետը փաստարկներով։ Նա ընդգծել է, որ Օսիպյանը չի վիրավորել և չի փորձել իրավիճակը սրել։
Հասարակական գործիչը նաև նշել է, որ, իր կարծիքով, հենց վարչապետը պետք է ներողություն խնդրի՝ էմոցիաներին չտիրապետելու և Օսիպյանին անհիմն մեղադրանքներ հասցեագրելու համար։
«Եթե լինենք անկեղծ, ապա Դուք պետք է ներողություն խնդրեք՝ էմոցիաները չզսպելու, անտեղի նրան թալանի, չզոհվելու մեջ մեղադրելու համար»,- նշել է Պետրոսյանը: