Թևանյանին սպառնում է մինչեւ ցմահ ազատազրկում
Fri, 22 May 2026 00:06:52 +0400
ՀՀ քննչական կոմիտեն ժամեր առաջ հայտարարություն տարածեց`պատգամավորի թեկնածու Անդրանիկ Թեւանյանի ենթադրյալ պետական դավաճանության եւ լրտեսության վերաբերյալ։ Ըստ ՔԿ-ի` Թեւանյանը 2024֊ին ապօրինի կերպով հավաքել է պետական գաղտնիք պարունակող տեղեկություններ եւ փոխանցել օտարերկրյա ծառայությունների, Թեւանյան հերքել է հրապարակված տեղեկատվությունը։
ՔԿ-ում վարույթ է նախաձեռնվել պետական դավաճանության (418-րդ հոդվածի 1-ին մաս) և լրտեսության (424-րդ հոդվածի 1-ին մաս) հատկանիշներով։
Ըստ քրեական օրենսգրքի` 418-րդ հոդվածի 1֊ին մասով սահմանվում է. «Պատժվում է ազատազրկմամբ՝ տասնհինգից քսան տարի ժամկետով, կամ ցմահ ազատազրկմամբ», 424֊րդ հոդվածի 1֊ին մասով էլ նշվում է. «424, 1. պատժվում է ազատազրկմամբ՝ տասներկուսից քսան տարի ժամկետով, կամ ցմահ ազատազրկմամբ»։
Նշենք, որ Թեւանյանն այս պահին նախաձեռնված քրվարույթով որեւէ կարգավիճակ չունի։