Այսօր թոռնիկիս «Վերջին զանգն» է նաև, 12-րդ դասարանի վերջին դասը։
Հիշողություններով Արցախում եմ, մեր դպրոցում` իմ մտապատկերում ունենալով այն թախծախառն ու աշխույժ եռուզեռը, որ ալեկոծել էր շրջանավարտներին, նրանց ծնողներին, ուսուցիչներիս…
Այդ օրվա համը թողել ենք Արցախում։ Եվ ոչ միայն համը։ Այո՝, Արցախում մնացին այն հյութեղ խոսքերը, որ հնչեցնում էին մեր շրջանավարտները` ի երախտագիտություն ուսուցիչներիս… Արցախում մնացին այն սրտաբուխ գրկախառնությունները, որ երբեմն հուզառատ էին մեր թաց աչքերը սրբելու չափ։
Առատ ծաղիկներ, ակնածանքի խոսքեր, անկեղծ խոստովանություններ, որ ջերմացնում էին հոգիներ, բարձրացնում ուսուցիչներիս անունը, մեր դերակատարությունը սերնդի կյանքում, մեր հեղինակությունը։
«Վերջին զանգ» միջոցառումը հնարավորությունների փունջ է, երբ երախտագիտություն են հայտնում այն մարդկանց, ովքեր տարիներ շարունակ ուղեկցել են դպրոցականներին՝ փոխանցելով նրանց գիտելիք ու արժեքներ։ Այն միաժամանակ նոր ճանապարհի սկիզբ է՝ դեպի ինքնուրույն կյանք, դեպի բարձրագույն կրթություն, մասնագիտության ընտրություն…
Օրվա առիթով շնորհավորում եմ թոռնիկիս, նրա մայրիկին, ով Արցախում Նարեկիս դասղեկն էր և ռուսերենի ուսուցչուհին։ Շնորհավորում եմ բոլոր շրջանավարտներին, տարիների ընթացքում նրանց դասավանդած ուսուցիչներին, ծնողներին, կրթական համակարգի պատասխանատուներին։
Խորին ակնածանքով շնորհավորում եմ արցախցի մեր այն շրջանավարտներին, ովքեր բռնատեղահանությունից հետո կարողացել են հաղթահարել ազգային մեծագույն ողբերգությունը և այս օրերին տարբեր կրթօջախներում հրաժեշտ են տալիս դպրոցական կյանքին։
Հանձինս հայաստանյան դպրոցների բոլոր ուսուցիչների` շնորհավորում եմ ուսուցչուհի դստերս` Սոֆյա Պետրոսյանին և ՀՀ վաստակավոր մանկավարժ Ռուզաննա Կիրակոսյանին։
Բարի երթ բոլոր շրջանավարտներին դեպի նոր կյանք, դեպի լուսավոր ապագա։
Նատաշա Պողոսյան
Source: USAArmenia
Բարդույթ ունեք հաղթանակած մարդկանցից, և նրանց կողքին առավել ընդգծված է դառնում ձեր ճղճիմ էությունը. Սեդրակ…
Ֆասթ Բանկի բիզնեսի վարկավորման նոր մոտեցումները․ Արտավազդ Թառոյան Tue, 20 Oct 2026 17:47:30 +0400 Փոքր…
Չեմպիոնների լիգա․ այսօր կկայանան երրորդ տուրի 9 հանդիպումները Tue, 20 Oct 2026 17:45:35 +0400 Այսօր՝…
Ակբա բանկը տեղաբաշխում է դրամային և դոլարային պարտատոմսեր Tue, 20 Oct 2026 17:41:52 +0400 Ակբա…
Փաշինյանը ևս մեկ քա՞յլ է անում դեպի ԵՄ․ Բրյուսելյան գագաթնաժողով կա առջևում Tue, 20 Oct…
Ռուսները կրկին հարվածել են Ուկրաինային․ զոհեր և վիրավորներ կան Tue, 20 Oct 2026 17:30:25 +0400…