Արթուր Հարությունյանը նշանակվել է ՀՀ քննչական կոմիտեի Սյունիքի մարզային քննչական վարչության Սիսիանի քննչական բաժնի պետ: Այս մասին տեղեկացնում են ՔԿ-ից:

Արթուր Խաչիկի Հարությունյանի կենսագրությունը
Ծնվել է 1987 թվականի մարտի 4-ին Վայոց ձորի մարզի Արին գյուղում:

Աշխատանքային գործունեություն
III-V.2026 թ. – ՀՀ քննչական կոմիտեի Սյունիքի մարզային քննչական վարչության ՀԿԳ քննիչ,
2015-2026 թթ. – ՀՀ քննչական կոմիտեի Վայոց ձորի մարզային քննչական վարչության ՀԿԳ քննիչ և ՀԿԳ ավագ քննիչ,
2014-2015 թթ. – ՀՀ քննչական կոմիտեի Վայոց ձորի մարզային քննչական վարչության քննիչ,
2012-2014 թթ. – ՀՀ ոստիկանության քննչական գլխավոր վարչության Վայոց ձորի մարզի քննչական բաժնի քննիչ:

Կրթություն
2008 թվականին ավարտել է Երևանի պետական համալսարանի իրավագիտության ֆակուլտետի բակալավրիատը, ապա՝ 2010 թվականին նույն բուհի իրավագիտության ֆակուլտետի մագիստրատուրան:

Պարգևներ
Ծառայողական պարտականությունները բարեխղճորեն կատարելու համար խրախուսվել է գերատեսչական տարբեր պարգևներով:

Այլ տվյալներ
2010-2012 թթ. – ծառայել է ՀՀ զինված ուժերում։

Ամուսնացած է, ունի երկու երեխա: