Պատմական համաձայնագիր մո՞տ է․ Թեհրանը՝ ԱՄՆ-ի հետ հուշագրի մասին
Sat, 23 May 2026 20:00:31 +0400
Իրանն ու ԱՄՆ-ն փոխըմբռնման հուշագրի նախապատրաստման ավարտական փուլում են։ Այս մասին հայտարարել է Իրանի արտգործնախարարության պաշտոնական ներկայացուցիչ Իսմայիլ Բաղային։
Նա Իրանի պետական հեռուստատեսությանն ասել է, որ վերջին օրերին քննարկվել են որոշ կետեր, ներկայացվել են առաջարկներ, որոնք դեռ քննարկման փուլում են:
«Մեր դիրքորոշումն այն էր, որ նախ համաձայնեցնենք 14 կետից բաղկացած փոխըմբռնման հուշագիրը, որը կարտացոլի պարտադրված պատերազմը դադարեցնելու համար անհրաժեշտ ամենակարևոր հարցերը և մեզ համար առաջնային նշանակություն ունեցող հարցերը», – նշել է նա:
Դիվանագետի խոսքով` մանրամասները կքննարկվեն 30-60 օրվա ընթացքում, և ի վերջո համաձայնություն ձեռք կբերվի: Բաղային հավելել է, որ քննարկվում են ԱՄՆ-ի ծովային հարձակումների դադարեցման և Իրանի արգելափակված ակտիվների ապասառեցման հարցերը։