Նախընտրական շրջանում Ռուսաստանը մի շարք ապրանքների նկատմամբ արգելքներ սահմանեց՝ իր օրակարգային հարցերն առաջ տանելու, մասնավորապես սեփական նախընտրելի թեկնածուին աջակցելու համար։

Այս մասին ֆեյսբուքյան էջում հայտնել է «Միասնության թևեր» կուսակցության վարչապետի թեկնածու Արման Թաթոյանը։

«Մեր տնտեսության մեջ կան զգայուն, խոցելի կետեր, որով ճնշում են առաջացնում։ Այս իշխանությունն այդ առիթից օգտվում է։ Տեսեք`ինչ է ստացվում, քանի որ կա Ռուսաստանի նախընտրած քաղաքական ուժի թեկնածու, հենց արգելք է լինում, այս իշխանությունն ուրախանում է։ Անգամ ինձ մոտ տպավորություն է, որ ամեն մի արգելք իրենց նվեր են համարում»,- ասել է Թաթոյանը։

Նա նշել է, որ քաղաքական արտաքին տարբեր կողմնորոշում ունեցող ուժեր ճնշումներն օգտագործում են ընտրողներին վախեցնելու նպատակով, այն ինչ պետք է առաջնորդվել միայն Հայաստանի շահով․

«Ինձ համար ամենակարևորը իմ երկրի օգուտն է։ Ես չեմ կարող հարաբերությունները փչացնել Ռուսաստանի հետ, որովհետև դա մեր շահերից չի բխում։ Չեմ կարող նույնը անել Եվրոպայի հետ, որովհետև էլի մեր շահից չի բխում։ Ի՞նչ պետք է անենք․ ամեն տեղից վերցնենք մեզ համար օգտակարը, կարևորը, որը մեր շահերից է բխում»։

Մանրամասները՝ տեսանյութում