ԱՄՆ զինված ուժերը Իրանի հարավում հարվածել են հրթիռների արձակման կետերին և նավակներին, որոնք փորձել են ականներ տեղադրել, հայտնել է Fox News-ի լրագրող Ջենիֆեր Գրիֆինը սոցիալական ցանցերում՝ հղում անելով CENTCOM-ի խոսնակ կապիտան Թիմ Հոքինսին։

«Այսօր ԱՄՆ ուժերը ինքնապաշտպանության հարվածներ են հասցրել Իրանի հարավում՝ մեր զինծառայողներին իրանական ուժերի կողմից սպառնալիքներից պաշտպանելու համար։ Նպատակակետերի թվում էին հրթիռների արձակման կետերը և իրանական նավակները, որոնք փորձում էին ականապատել», – գրել է նա։

ԱՄՆ բարձրաստիճան պաշտոնյան լրագրողին ասել է, որ Հորմուզի նեղուցում ականապատման ժամանակ կալանվել են երկու իրանական նավակներ։

«ԱՄՆ ուժերը ոչնչացրել են ԻՀՊԿ-ի երկու նավակները, ինչպես նաև հարվածել են Բանդար Աբբասում գտնվող հակաօդային պաշտպանության դիրքին, որը թիրախավորում էր ամերիկյան ինքնաթիռները», – հայտարարել է Գրիֆինը։

Նա ասել է, որ դրանք պաշտպանական հարվածներ են եղել և չեն վկայում հրադադարի ավարտի մասին։

Հարվածից հետո Իրանի բանակի Խաթամ ​​ալ-Անբիա կենտրոնական գործողությունների շտաբի խոսնակ Էբրահիմ Զոլֆաղարին X սոցիալական մեդիա հարթակում սպառնացել է նավթի գները բարձրացնել մեկ բարելի համար 200 դոլարով։

Նա ընդգծել է, որ քանի դեռ Միացյալ Նահանգները շարունակում է իր «ռազմական արկածները» Մերձավոր Արևելքում և Իրանի մոտակայքում, համաձայնագրի մասին խոսք անգամ լինել չի կարող։

«Ամերիկյան կառավարությունը բազմիցս ցույց է տվել, որ հասկանում է միայն ուժի լեզուն։ Պատրաստվեք 200 դոլարանոց նավթի», – նշել է Զոլֆաղարին։