Կիևում «դժոխք» է սպասվում․ Լավրովը զգուշացրել է Ռուբիոյին
Tue, 26 May 2026 12:30:45 +0400
ԱՄՆ պետքարտուղար Մարկո Ռուբիոյի հետ հեռախոսազրույցի ժամանակ Ռուսաստանի արտաքին գործերի նախարար Սերգեյ Լավրովը ամերիկյան կողմին տեղեկացրել է Կիևում Ուկրաինայի զինված ուժերի կարիքների համար օգտագործվող օբյեկտների և որոշումների կայացման կենտրոնների դեմ Ռուսաստանի զինված ուժերի կողմից համակարգված հարվածների մեկնարկի մասին: Այս մասին ասվում է Ռուսաստանի արտաքին գործերի նախարարության հայտարարության մեջ։
«Ռուսաստանի նախագահ Վլադիմիր Պուտինի հանձնարարությամբ Սերգեյ Լավրովը պաշտոնապես տեղեկացրել է ամերիկյան կողմին, որ Կիևի ռեժիմի կողմից Ռուսաստանի տարածքում քաղաքացիական անձանց և քաղաքացիական օբյեկտների դեմ շարունակվող ահաբեկչական հարձակումներին ի պատասխան, Ռուսաստանի զինված ուժերը համակարգված և հետևողական հարվածներ են հասցնում Կիևում գտնվող Ուկրաինայի զինված ուժերի կարիքների համար օգտագործվող օբյեկտներին և համապատասխան որոշումների կայացման կենտրոններին», – հայտնել է նախարարությունը։
Լավրովը նաև Ռուբիոյի ուշադրությունը հրավիրել է Ուկրաինայի մայրաքաղաքից ամերիկյան դիվանագիտական անձնակազմի տարհանումն ապահովելու առաջարկության վրա:
Կողմերը նաև գնահատականներ են փոխանակել Հորմուզի նեղուցի և Կուբայի շուրջ ստեղծված իրավիճակի վերաբերյալ դիվանագիտական նախաձեռնությունների վերաբերյալ։