Ընտրություններին չմասնակցելը հավասարազոր է դավաճանության
Wed, 27 May 2026 12:26:46 +0400
«Ուժեղ Հայաստան» կուսակցության անդամ Դավիթ Ղազինյանի խոսքով՝ իշխանությունները այլևս չեն թաքցնում, որ ծրագրում են Հայաստանում բնակեցնել շուրջ 300 հազար ադրբեջանցիների։ Նրա կարծիքով՝ նման զարգացումը կարող է լուրջ հետևանքներ ունենալ երկրի համար։
Ղազինյանը նշում է, որ ադրբեջանցիների զանգվածային մուտքը Հայաստան վտանգի տակ կդնի մեր ինքնությունը և կարող է ազդել երկրի ապագայի վրա։ Նա մտահոգություն է հայտնում, որ այդ դեպքում ադրբեջանցիները ներգրավված կլինեն հասարակական կյանքի տարբեր ոլորտներում։
Քաղաքական գործիչը նաև ընդգծում է ընտրություններին մասնակցելու կարևորությունը՝ հայտարարելով, որ միայն այդ ճանապարհով հնարավոր կլինի կանխել նման սցենարը։ Նրա համոզմամբ՝ ընտրություններին չմասնակցելը հավասարազոր է դավաճանության։