Սպարտակ Ղուկասյանին կրկին տեղափոխում են կալանավայր. պաշտպանները որոշումը քաղաքական են համարում
Wed, 27 May 2026 16:15:21 +0400
Այսօր դատարանը կրկին փոխել է Գյումրու քաղաքապետ Վարդան Ղուկասյանի որդու՝ Սպարտակ Ղուկասյանի նկատմամբ կիրառված խափանման միջոցը։ Մինչ այդ նա գտնվում էր տնային կալանքի տակ, սակայն դատարանի նոր որոշմամբ տեղափոխվելու է կալանավայր։
Թե ինչ հիմքով է կայացվել որոշումը, առայժմ հայտնի չէ։ Սպարտակ Ղուկասյանի պաշտպաններից տեղեկացանք միայն, որ դատարանը հրատապ նիստ է գումարել և որոշում կայացրել խափանման միջոցը փոխելու մասին։
Ըստ իրավապահների` տնային կալանքի պայմաններում իրեն արգելված է եղել խոսակցություններ, տեսակցություններ ունենալ, սակայն նա խախտել է սահմանափակումը եւ հեռախոսազրույց է ունեցել
Պաշտպանական կողմը պնդում է, որ տնային կալանքի ընթացքում Սպարտակ Ղուկասյանի կողմից որևէ խախտում չի արձանագրվել, ուստի որոշումը չի կարող պայմանավորված լինել նրա վարքագծով։ Նրանք տեղի ունեցածը կապում են քաղաքական գործընթացների հետ։
Ղուկասյանի պաշտպանների գնահատմամբ՝ իշխանությունները շարունակում են ճնշումներ գործադրել Ղուկասյանների ընտանիքի նկատմամբ՝ դատարանի որոշումը դիտարկելով որպես հերթական քաղաքական հետապնդման դրսևորում։