Գիտակցում են՝ առանց վարչական ռեսուրսի, վերարտադրվել հնարավոր չէ
Fri, 29 May 2026 14:26:51 +0400
«Ուժեղ Հայաստան» կուսակցության խորհրդի անդամ Գոհար Մելոյանը ասուլիսի ընթացքում հայտարարել է, որ ընտրական գործընթացներում խախտումներ արձանագրվում են ինչպես նախընտրական փուլում, այնպես էլ ընտրության օրը։
Նրա խոսքով՝ այդ խախտումները կարող են լինել տարբեր բնույթի՝ ինչպես բովանդակային, այնպես էլ տեխնիկական, և դրանց ընդհանուր ծավալը հնարավորություն է տալիս գնահատել ընտրությունների որակը։
Մելոյանը նշել է, որ նման խախտումների մեծ ծավալը կարող է կասկածի տակ դնել ողջ ընտրական գործընթացի լեգիտիմությունը՝ ընդգծելով, որ իրավիճակն արդեն իսկ մտահոգիչ չափերի է հասել։
Նա նաև պնդել է, որ գործող իշխանության գործելաոճը վկայում է՝ առանց հակաօրինական միջամտությունների նրանք չեն կարող ապահովել իրենց վերարտադրությունը։ Նրա գնահատմամբ՝ կիրառվող մեթոդներն ու խախտումների բնույթը հենց այդ տրամաբանությունն են արտահայտում։
Մելոյանի խոսքով՝ իշխանությունները գիտակցում են, որ առանց վարչական ռեսուրսի օգտագործման իրենց վերարտադրումը հնարավոր չէ։