Ուկրաինան և Մոլդովան ակտիվացնում են ԵՄ-ին միանալու բանակցությունները
Wed, 03 Jun 2026 13:30:15 +0400
Մոլդովան և Ուկրաինան հունիսի 15-ին Լյուքսեմբուրգում կայանալիք միջկառավարական համաժողովի ժամանակ կսկսեն Եվրամիությանը միանալու պաշտոնական բանակցություններ, հաղորդում է Politico-ն՝ հղում անելով անանուն դիվանագետների։
Ուկրաինան ԵՄ անդամակցության հայտ է ներկայացրել 2022 թվականի փետրվարին, իսկ Մոլդովան՝ նույն թվականի մարտին։ Պոտենցիալ մասնակիցների դիմումների հաստատման համար անհրաժեշտ է ԵՄ բոլոր 27 անդամ պետությունների համաձայնությունը։ Ցանկացած երկիր կարող է ցանկացած փուլում խոչընդոտել բանակցային գործընթացը։
Հրատարակության աղբյուրները հայտնում են, որ Հունգարիայի նոր կառավարությունը կհրաժարվի Վիկտոր Օրբանի կառավարության դիրքորոշումից՝ Ուկրաինայի՝ ԵՄ-ին միանալու վերաբերյալ։ Այս որոշումը թույլ կտա Կիևին առաջիկա օրերին սկսել անդամակցության բանակցությունները։
Ըստ նույն աղբյուրների, առաջին բանակցային նիստը միջկառավարական համաժողովում կբացվի հունիսի 15-ին։ Հունիսի 1-ին Հունգարիայի ներկայացուցիչները մասնավոր կերպով ուկրաինական կողմին տեղեկացրել են, որ պատրաստ են հանել իրենց վետոն երկրի՝ ԵՄ-ին միանալու վրա։ Հանդիպմանը քննարկվել են Ուկրաինայում բնակվող հունգարացիների իրավունքները։ Հրատարակության աղբյուրների փոխանցմամբ՝ հանդիպման ժամանակ ուկրաինական կողմը երաշխիքներ է տվել հարցերի մեծ մասի լուծման վերաբերյալ։
Այլ աղբյուրներ Politico-ին հայտնել են, որ Ուկրաինայի համար բանակցային խումբ ստեղծելու վերաբերյալ որոշում դեռևս չի կայացվել: Նրանց խոսքով՝ այս հարցի վերաբերյալ վերջնական դիրքորոշում կձևավորվի այն բանից հետո, երբ Կիևը ներկայացնի ներքին բարեփոխումների և փոքրամասնությունների հարցերը լուծելու ծրագրեր։
ԵՄ դեսպանները, ինչպես սպասվում է, շաբաթվա վերջում կձևավորեն վերջնական դիրքորոշում Ուկրաինայի և Մոլդովայի համար խումբ ստեղծելու վերաբերյալ։