ՌԴ-ի հետ համագործակցությունից հրաժարվելը դարձավ ինքնասպանություն․ ի՞նչ է ասել Զախարովան
Thu, 04 Jun 2026 11:30:06 +0400
Եվրոպական երկրները հասկանում են, որ Ռուսաստանի հետ համագործակցությունից հրաժարվելը ինքնասպանություն է դարձել իրենց երկրների համար, ՌԻԱ Նովոստի-ին ասել է Ռուսաստանի արտաքին գործերի նախարարության խոսնակ Մարիա Զախարովան Սանկտ Պետերբուրգի միջազգային տնտեսական ֆորումի շրջանակներում (ՍՄՏՖ) տված հարցազրույցում։
«Արևմտյան Եվրոպայի երկրների ժողովուրդները հասկանում են, թե որտեղ են իրենց հասցրել ռեժիմները, պահանջում են վճռական գործողություններ ճգնաժամը հաղթահարելու համար, հասկանում են, որ Ռուսաստանի հետ համագործակցելուց, ռուսական ռեսուրսներից օգտվելուց, միասնական եվրոպական տարածքում նորմալ, փոխադարձ հարգանքի պայմաններում համակեցությունից հրաժարվելը նրանց համար պարզապես ինքնասպանության է վերածվել, և այդպիսով նրանք իրենց ռեժիմներից ստանում են պատասխան, որ, կարծես, մտադիր են բոլորովին այլ ուղի ընտրել», – գործակալությանը տված հարցազրույցում ասել է Զախարովան։
Հիշեցնենք, ՍՄՏՖ-ը տեղի է ունենում հունիսի 3-ից 6-ը։