Ռուսաստանը վերսկսում է Ադրբեջանի հետ «սիրախաղը»
Thu, 04 Jun 2026 17:30:25 +0400
Ռուսաստանը «անհրաժեշտ» է համարում Ադրբեջանի հետ մոտ ապագայում մշակութային և հումանիտար համագործակցության վերսկսումը։
Այս մասին հայտարարել է Ռուսաստանի արտաքին գործերի նախարարության պաշտոնական ներկայացուցիչ Մարիա Զախարովան։
Նրա խոսքով՝ «Մոսկվան ընդհանուր առմամբ հանձնառու է Ադրբեջանի հետ երկկողմ կապերի ողջ շրջանակի հետևողական զարգացմանը․
«Սա մեր երկրների ժողովուրդների շահերից է բխում։ Մենք կարծում ենք, որ անհրաժեշտ է ներկայիս դադարից հետո հնարավորինս շուտ վերսկսել մշակութային և հումանիտար ոլորտում լիարժեք համագործակցությունը։
Այս ոլորտում կան մի շարք նախաձեռնություններ, որոնք քննարկվել են, այդ թվում՝ ամենաբարձր մակարդակով»։