Առուշը վենդետա է սկսել ՔՊ-ի համար վատ աշխատած իր ենթակաների նկատմամբ

Առուշը վենդետա է սկսել ՔՊ-ի համար վատ աշխատած իր ենթակաների նկատմամբ

Tue, 09 Jun 2026 16:45:28 +0400


Գորիսում ընտրությունների արդյունքներով «Ուժեղ Հայաստանը» գրանցել էր համեմատաբար բարձր արդյունք՝ 5 հազար ձայն, ի տարբերություն Սյունիքի մյուս համայնքների, որտեղ հիմնականում առավելությունը իշխող ՔՊ֊ինն է։ Երեկ մենք գրել էինք, որ Գորիսի քաղաքապետ Առուշ Առուշանյանը ընտրությունների արդյունքների հրապարակումից հետո խիստ զայրացել է եւ համայնքապետարանի աշխատողներին «պատերին ծեփել»: Դրանից հետո Գորիսի քաղաքապետարանի մի շարք աշխատակիցներ աշխատանքից ազատվելու դիմումներ են գրել: Դիմում է գրել նաեւ համայնքապետի տեղակալ Արտյոմ Աղաջանյանը:

Մեր աղբյուրի խոսքով, Առուշն է նրանց ազատել աշխատանքից, սակայն Առուշանյանի տեղակալը «Հրապարակի» հետ զրույցում պնդել էր, որ իր կամքով է հեռացել: Մեր տեղեկություններով, սակայն, Առուշանյանը այսքանով չի սահմանափակվել՝ աշխատանքից ազատել է նաև իր երկու օգնականներին, ինչպես նաև Ներքին Խնձորեսկի վարչական ղեկավար Արամ Արզանյանին։ Վերջինիս հետ կապ հաստատել մեզ չհաջողվեց, քանի որ ողջ օրվա ընթացքում նրա հեռախոսահամարն անհասանելի էր։ Նշենք, որ Ներքին Խնձորեսկի 200֊ից ավելի ընտրողների մեծ մասը նախընտրել է ընդդիմադիր թեկնածուներին և ընդդիմադիր ուժերի հավաքական ձայները գերազանցել են ՔՊ-ի արդյունքները։ Թերեւս նաեւ դա է պատճառը, որ վարչական ղեկավարին ազատել են աշխատանքից։ Նկատենք, որ այս կամայական մոտեցումն իրականացնող Առուշ Առուշանյանը 21 թվին ընդդիմադիր «Հայաստան» դաշինքի ցուցակում էր:

Ի դեպ, «Ուժեղ Հայաստան» կուսակցության ցուցակը գլխավորող Նարեկ Կարապետյանի մայրական կողմը գորիսեցի է, և նրա տատը մինչ այսօր ապրում է Գորիսում։ Նրանց գերդաստանը համայնքում բավականին ճանաչված ու սիրված է։ Այնպես որ Առուշի հրահանգը` ընտրել ՔՊ-ին եւ չընտրել ընդդիմությանը ոչ մի կերպ չէր կարող կատարվել` եթե իր ենթականերն անգամ գերմարդկային ճիգեր գործադրեին:

© 2026 Secure News Portal

Source: Hraparak

Hraparak.am

Recent Posts

Վրաստանն ու Ռուսաստանը վերսկսում են դիվանագիտական կապերը

Վրաստանն ու Ռուսաստանը վերսկսում են դիվանագիտական կապերը Tue, 17 Nov 2026 16:00:54 +0400 Ռուսաստանի փոխարտգործնախարար…

18 րոպե ago

Դժգոհության ալիքը սահուն, առանց ցնցումների ուղղորդում են Փաշինյանի համար ցանկալի հունով

Դժգոհության ալիքը սահուն, առանց ցնցումների ուղղորդում են Փաշինյանի համար ցանկալի հունով Tue, 17 Nov 2026…

33 րոպե ago

Հետամնաց երկրների ուսանողներն ավելի լավատես են, քան զարգացած երկրներինը

Հետամնաց երկրների ուսանողներն ավելի լավատես են, քան զարգացած երկրներինը Tue, 17 Nov 2026 15:30:01 +0400…

49 րոպե ago

Ճապոնիան կործանիչներ է օդ բարձրացրել

Ճապոնիան կործանիչներ է օդ բարձրացրել Tue, 17 Nov 2026 15:23:06 +0400 Ճապոնիան հայտնել է, որ…

56 րոպե ago

Տեսա՞ք՝ Նիկոլը ոնց թեման փոխեց․․․

Տեսա՞ք՝ Նիկոլը ոնց թեման փոխեց․․․ Tue, 17 Nov 2026 15:15:11 +0400 Քաղաքական խոսույթի փոխարեն երբեմն…

1 ժամ ago

Ընդդիմությանը ուզում են վախեցնել, շանտաժ անել, գործարք են առաջարկում

Ընդդիմությանը ուզում են վախեցնել, շանտաժ անել, գործարք են առաջարկում Tue, 17 Nov 2026 14:41:53 +0400…

2 ժամ ago