Ես մեղադրյալի կարգավիճակ չունեմ․ Արեգնազ Մանուկյան
Fri, 12 Jun 2026 15:02:07 +0400
«Ես մեղադրյալի կարգավիճակ չունեմ»,- լրագրողի հետ զրույցում հայտարարեց «Մայր Հայաստան» կուսակցության վարչության անդամ Արեգնազ Մանուկյանը՝ անդրադառնալով այսօր Քննչական բաժնում իր հարցաքննությանը։
«Անդրանիկ Թևանյանի հետ կապված գործի շրջանակներում եմ հարցաքննվել։ Այս ամեն ինչը շոու է, քաղաքական հետապնդում։ Նիկոլ Փաշինյանն ինքն է հայտարարել, որ պետք է քաղաքական հետապնդման ենթարկի իր ընդդիմախոսներին»,- նշեց նա։
Հիշեցնենք՝ այսօր վաղ առավոտյան խուզարկություն էր իրականացվել Արեգնազ Մանուկյանի բնակարանում: