Հարբած քաղաքացին դանակահարել և դաժանորեն սպանել է իր կնոջը
Sat, 13 Jun 2026 16:00:15 +0400
Մերձմոսկովյան Դոմոդեդովոյում հարբած տղամարդը դանակահարել է իր կնոջը։ Հարուցվել է քրեական գործ, իսկ կասկածյալը ձերբակալվել է, ՌԻԱ Նովոստիին հայտնել են տարածաշրջանի քննչական կոմիտեի գլխավոր քննչական վարչությունից։
Քննիչների տվյալներով՝ մեղադրյալը, հարբած վիճակում, ուրբաթ օրը վիճաբանել է իր 38-ամյա կնոջ հետ և մի քանի անգամ դանակի հարվածներ հասցրել նրա կրծքավանդակին։ Տուժողը մահացել է դեպքի վայրում։
Իրավապահ մարմինների աշխատակիցները ՌԻԱ Նովոստիին հայտնել են, որ կինը աշխատում էր Դոմոդեդովոյի հիվանդանոցում։
«46-ամյա տեղացի բնակչին մեղադրանք է առաջադրվել իր 38-ամյա կնոջ սպանության համար», – հայտնել է գործակալությունը՝ հավելելով, որ տղամարդը ձերբակալվել է։